Ирон адёмон сфёлдыстад
(Ирон адёмон сфёлдыстад)

Ирон адæмон сфæлдыстад у адæмы монон культурæйы ахъаззаг хай. Уый у нæ адæмы «зонд æмæ зæрдæйы рухсæй нывæст». Фольклоры сыгъдæгæй зынынц адёмы царды нывæфтыд истори, фæлтæрты сагъæстæ æмæ бæллицтæ. Нæ фыдæлтæм нæ уыд фысгæ истори, фæлæ нын адæмон сфæлдыстад у ахсджиаг историон æрмæг. Уый фæрцы базонæм ивгъуыд заманты цард. Фольклоры æппæт жанртæ дæр æвдисынц адæмы цард, сæ зонд, сæ хъуыдытæ, сæ цæстæнгас цардмæ, æрдзы фæзындтæм. Уымæ гæсгæ йын ис стыр зонынадон, хъомыладон æмæ эстетикон ахадындзинад.

Ахуырадон программæ арæзт у ирон филологийы факультеты студенттæн.  Стыр ахъаз сын уыдзæн ирон фольклор хуыздæр бамбарынæн, йæ сæйраг проблемæтæ йын бæстондæр раиртасынæн. Программæ уыдзæн студенттæн адæмон сфæлдыстад ахуыр кæнынæн æххуысгæнæг æрмæг, амонæг мадзал.